ودع ميشيل يانكون، مدرب حراس مرمى الأهلي السابق، جماهير القلعة الحمراء، بعدما تأكد رحيله عن الجهاز الفني، عقب تولي جهاز فني جديد، بقيادة خوسيه ريفيرو.
وكتب ميشيل يانكون باللغة العربية، عبر حسابه على «إنستجرام»: «6 سنين كانوا أكتر من مجرد شغل، كانت رحلة حب وانتماء ونجاحات مع نادي عمري ما هنساه».
وأضاف: «كل لحظة قضيتها في التتش، وكل مباراة، وكل دمعة فرح بعد بطولة، هتفضل محفورة في قلبي. فخور إني كنت جزء من الفريق اللي قدر يحقق 19 بطولة مع الأهلي».
وأكمل: «اشتغلت مع حراس عظام، أخواتي قبل ما يكونوا لعيبة. فخور بكل لحظة قضيناها سوا، لكن أكتر حاجة عمري ما هنسى حبه. جمهور الأهلي».
وتابع: «أنتم القلب الحقيقي للنادي. أنتم الروح. أنتم اللي بتدوا المعنى لكل لحظة عشتها هنا. وقعت في حب مصر والمصريين من أول لحظة، وهفضل شايل الحب ده في قلبي دايمًا. مصر أم الدنيا. شكرًا من قلبي لكل شخص دعمني وحبني، أنا واحد منكم وهفضل دايمًا واحد منكم».
