وجه الإعلامي عمرو أديب، رسالة خاصة إلى أحمد شوبير، نجم النادي الأهلي الأسبق.
وقال عمرو أديب، في تصريحات تلفزيونية عبر فضائية «ام بي سي مصر»: «أول امبارح لقيت على الموبايل بتاعي رسالة من كابتن أحمد شوبير، عشان الناس مبتفهمش بس أحمد شوبير احنا أصحاب، فلقيته باعتلي رسالة بيقولي هاردلك يا عمرو انا مش عارف كام مرة هضطر ابعتلك هاردلك».
وأضاف: «طبعا أحمد، وبيهديني مش قاصد يحفل عليا ولا يزعجني أحمد طيب جميل يعني.. وبعدين لما تجيلك الحكاية من أحمد شوبير فانت جايلك من مصدر رسمي يعني أهلاوي».
وتابع: «انا بس هي رسالة أحمد شوبير، دي فوقتني على حكاية مهمة هو المفروض ميقوليش هاردلك هو الزمالك مالوش هاردلك، لأن تخيلوا هو الزمالك مالوش هاردلك، هو اللي المفروض يتقاله هاردلك بيراميدز»
وواصل: «إنا بتقولي هارد لك على إيه، يا أحمد يا شوبير احنا ولا حاجة احنا معلمناش حاجة الهاردلك دي تروح لبيراميدز ناس فرق نقتطين مستنين الحكم، هو ده الهاردلك، إنما نحن لم نفعل شئ نادي الزمالك ليس حتي يا أحمد هاردلك دي كتير يا اخي وكرم منك احنا معلمناش حاجة احنا بنتعثر».
وأتم: «ألف مبروك للأهلي ويا أحمد متقوليش هاردلك، انت حبيبي يا أحمد».
