رد الإعلامي أحمد شوبير على الإعلامي عمرو أديب، بعد رسالة الأخير له حول تتويج الأهلي بلقب بطولة الدوري المصري للمرة الـ 45 في تاريخه.
وقال عمرو أديب، في تصريحات تلفزيونية عبر فضائية «ام بي سي مصر»: «أول امبارح لقيت على الموبايل بتاعي رسالة من كابتن أحمد شوبير، عشان الناس مبتفهمش بس أحمد شوبير احنا أصحاب، فلقيته باعتلي رسالة بيقولي هاردلك يا عمرو انا مش عارف كام مرة هضطر ابعتلك هاردلك، طبعا أحمد، الرسالة دي فوقتني على حكاية مهمة هو المفروض ميقوليش أنا هاردلك، لأن تخيلوا الزمالك مالوش هاردلك، مفروض بيراميدز اللي يتقاله هاردلك».
ورد أحمد شوبير عبر حسابه الرسمي على منصة «إكس» على تصريحات عمرو أديب قائلًا: «طيب ياعمووور حقك عليا مش هاردلك».
