ودع كريم الدبيس، ظهير أيسر الفريق الأول لكرة القدم بالنادي الأهلي، التونسي على معلول، بعد رحيله عن الفريق الأحمر.
وانتهي عقد على معلول، مع الأهلي بنهاية الموسم الجاري، وقرر مسؤولي القلعة الحمراء عدم تجديد عقد اللاعب.
وأكد على معلول، أنه تم إبلاغه رسميًا بانتهاء مشواره مع القلعة الحمراء، ليرحل عن صفوف الفريق.
ونشر كريم الدبيس، عبر صفحته على موقع التواصل الاجتماعي «فيس بوك»، صورة تجمعه بعلي معلول، معلقًا: «أنا بحبك جدًا وإنت عارف كده كويس جدا وإنت بالنسبالي مش شخص معايا في فريق واحد بالعكس إنت مثلي الأعلى وأخويا واتعلمت منك حاجات كتير جدًا وكنت معايا في مواقف كتير جدًا».
وأضاف: «هتفضل دايمًا في قلبي وفي عقلي لأنك أسطورة وتاريخ وإنت أحسن باك ليفت في تاريخ أفريقيا مش أنا اللي بقول كده لا ده تاريخك وأرقامك وكنت دايمًا سندي في مواقف كتير»
وتابع: «هتوحشني أوي والله ربنا يكرمك في حياتك الجاية وأشوفك أحسن واحد في الدنيا دايما يا أسطورة على معلول».
