علق سيد عبدالحفيظ، نجم النادي الأهلي السابق، على طلب نادي الزمالك باستبعاد عدد من الحكام من إدارة مباراته أمام بيراميدز في نهائي كأس مصر.
ويلتقي الزمالك مع بيراميدز يوم الخميس المقبل، على استاد القاهرة، في نهائي كأس مصر.
وقال سيد عبدالحفيظ، في تصريحات تلفزيونية عبر فضائية «إم بي سي مصر 2»: «لو الأهلي اللي عمل كده هيقولك بص الأهلي بيضغط إزاي، ده المنظومة كلها بتساعد الأهلي، الرابطة والاتحاد».
وأضاف: «بيان الزمالك حاجة غريبة جدًا قبل الماتش بأربعة أيام مشوفتهاش خالص، انت بتحدد حكام! طيب هنجيب مين».
وتابع: «الزمالك اعترض على أمين عمر وطارق مجدي ومحمد الصباحي ومحمود البنا، طيب هنجيب مين مشوفتهاش خالص قبل كده».
وواصل: «مفيش كده والأهلي عمره ما عمل كده، الأهلي بيعترض على حكم عمل غلطة أثناء المباراة، ولكن لم يطلب منع بعض الحكام من إدارة مبارياته».
