علق الإعلامي أحمد شوبير حارس مرمى الأهلي ومنتخب مصر السابق على المباراة المرتقبة مساء اليوم بين بيراميدز وصن داونز في نهائي دوري أبطال أفريقيا وعدم وجود أي ضجة كبيرة حول المباراة رغم أنها النهائي القاري الكبير للكرة الأفريقية.
وقال أحمد شوبير في تصريحات إذاعية اليوم الأحد: «في كل الأحوال الناس لازم تقف جنب بيراميدز كل واحد ومشاعره الداخلية اللي حاسس إنه قادر يروح يشجع يروح واللي مش قادر دي مشاعرع وبراحته».
وأوضح شوبير: «بس حد هيقول لي يا كاتبن مش حاسين إن فيه نهائي في مصر، بصوا يا جماعة أنا هنا هتكلم بصراحة، لو الأهلي أو الزمالك أو الإسماعيلي هو اللي بيلعب كان زمان مصر مقلوبة ده طبيعي جدا دي الأندية الشعبية قوتها في جماهيرتها لكن الجماهير لوحدها مش كفاية عشان تكسب ما الأهلي خرج أمام صن داونز والاستاد مليان جماهير».
وأضاف شوبير: «آه الدولة هتحشد والدكتور أشرف صبحي هيجيب جماهير لكن مش هتقول لنادي مثلا يجيب جماهيره عشان تشجع نادي تاني محصلش ومش هيحصل، لكن طبيعي الدولة تشحن مادام على حساب نادي بيراميدز».
