علق الإعلامي أحمد شوبير على الأحداث الكارثية التي شهدتها مباراة الترسانة وغزل المحلة أمس الأول في كرة اليد للشباب مواليد 2008.
وقال أحمد شوبير في تصريحات إذاعية اليوم الإثنين: «أول امبارح كانت مباراة بين الترسانة وغزل المحلة في الإسماعيلية للشباب مواليد 2008 بحضور أولياء الأمور اللي سافروا من القاهرة والمحلة إلى الإسماعيلية، وقسما بالله اللي حصل في المباراة لو عرضت لحضراتكم الصورة مش أحداث مؤسفة لأ دي أحداث كارثية».
اقرأ أيضًا: «هنقرأ الفاتحة قريب على الدوري».. شوبير يحذر هاني أبوريدة من كارثة
وأوضح شوبير: «اتحاد كرة اليد برئاسة خالد فتحي أخذ قرارات قوية، وقرر شطب لاعب الترسانة ياسمين محمد صلاح وعقوبة إيقاف سنة وغرامة 10 آلاف جنيه على كل من: مهند طارق حسين- يوسف محمد إبراهيم- محمد شريف رمضان- نزار علاء الدين- أحمد طاهر كمال- محمد عادل حسين- عمر وليد محمد- إبراهيم سمير محمد من الترسانة، وعلى لاعبي نادي غزل المحلة: محمد السيد حافظ- جمال أحمد أحمد- زياد شوقي عبدالحفيظ- مصطفى أحمد محمد- يزيد هاني محمد- يوسف محمد محمود، وكمان توقيع غرامة مالية قدرها 25 ألف جنيه على نادي الترسانة ونفس الغرامة على نادي غزل المحلة».
وأضاف شوبير: «خلي بالك هتلاقي اليومين اللي جايين يقولوا لك احنا اتظلمنا وإحنا اتعملنا، اللي يقول احنا اتظلمنا حط فيديو المهزلة في وشه قدام عينه قول له أهو يا يا أبوظلم، يا جماعة دي كراسي بتتشال وتتحدف وضرب ويا عيني واحدة ست داخلة بتدافع عن حد راحت مضروبة».
واختتم حارس الأهلي السابق: «اللي حصل مش ممكن وحاجة مش معقولة والغريبة مفيش حد بيحوش ولا أمن موجود، هما مبلغوش الأمن إن فيه دورة ولا أيه لإن الأمن مش بيتأخر، دي كانت كارثة بكل المقاييس».
