كشف محسن صالح رئيس لجنة التخطيط السابق بالنادي الأهلي السر وراء فشل صفقة انتقال الحارس الدولي محمد أبوجبل لصفوف النادي الأهلي الموسم الماضي بعدما كان قد وقع بالفعل مع القلعة الحمراء.
وقال محسن صالح في تصريحات تليفزيونية عبر برنامج حارس الأهلي ردا على سؤال من شوبير حول سبب فشل صفقة محمود الزنفلي مع الأهلي: «الزنفلي لم يحصل على فرصته كاملة وللعلم هو جه كحارس طواريء لإن أبوجبل كان بالفعل جه الأهلي تحت ضغط من كولر المدير الفني للفريق لكن بعد كده حصلت حاجات وتم إلغاء صفقة أبوجبل وضم الزنفلي عشان يكون موجود لو حصل أي حاجة لمطصفى شوبير لإن في الفترة دي الشناوي كان مصاب مع المنتخب في أمم أفريقيا».
وتابع محسن صالح: «بعدما علمنا بالتوقيع مع الزنفلي طلبنا اجتماع مع الكابتن الخطيب وقولنا له: ليه القرار ده؟، إحنا عندنا شوبير وحمزة علاء ومصطفى مخلوف ولسه مستغنيين عن على لطفي طيب ليه استغنينا عن على لطفي ولو ضروري حارس جديد نجيب ابننا على لطفي تاني».
وأضاف رئيس لجنة تخطيط الأهلي السابق: «الخطيب قال لنا كولر مش عايز على لطفي، وإحنا كلجنة تخطيط رفضنا أبوجيل بعد ما لقينا إنه في مبارياته الأخيرة في الدوري مستواه في تراجع، وبعدين هنجيب حارس جديد قد يحدث خلافات وتنافر مع الحراس الموجودين ووجدنا أن مصلحة الفريق تقتضي رفض طلب كولر، والخطيب اقتنع تماما وهو كمان كان متخوف زي لجنة التخطيط وضمينا الزنفلي عشان يكون موجود كبديل لشوبير كحارس للطواريء».
