كشف رضا عبدالعال، نجم الكرة المصرية السابق، عن سر توتر علاقته مع أحمد شوبير، حارس مرمى الأهلي الأسبق.
وقال رضا عبدالعال، في تصريحات تلفزيونية عبر فضائية «الشمس»: «شوبير، أخر مرة كلمني كان من سنتين شكرني على إشادتي بنجله مصطفى، وقولتله(متشكرنيش هو أصلًا موهوب وأحسن منك)».
وأضاف: «متكلمناش تاني بعد هذه المكالمة، معرفش ايه سبب توتر العلاقة مع شوبير، محدش وقف في ماتش اعتزالي إلا هو».
وتابع: «مواقفي مع شوبير جيدة، ومعرفش زعل مني ليه وخد جنب مني! في حد وقع بينا».
وواصل: «في فترة من الفترات كنت بظهر مع خالد الغندور، لاقيت شوبير، عامل انترو عليا وقالوا في التقرير (رضا عبدالعال، أسوأ صفقة في تاريخ الأهلي)».
وأتم: «أنا كلمته وعاتبته وقولتله (يا كابتن شوبير، أنا هعتبر دي غلطة وسهو بس متتكررش تاني)، قالي (مخدتش بالي من التقرير ومش هتكرر تاني)».
