تحدث طاهر محمد طاهر نجم النادي الأهلي، عن فرص المارد الأحمر في بطولة كأس العالم للأندية 2025، مشيرًا إلى أن مباراة إنتر ميامي هي الأسهل في المجموعة.
وقال طاهر محمد طاهر في تصريح تليفزيوني عبر شاشة قناة «الأهلي»: «شاركت في كأس العالم للأندية 3 أو 4 مرات من قبل، لكن محالفنيش الحظ إني أسجل، ورايح البطولة دي على أمل إني أسجل السننة دي، عندنا فرصة بسبب لعب عدد مباريات أكتر من أي سنين تانية».
وأضاف: «عملت موسم كويس السنادي ولازم يبقالي بصمة في كأس العالم للأندية إن شاء الله، وشايف مجموعتنا مش صعبة وكويسة، وبالنسبالي ماتش إنتر ميامي من أسهل الماتشات اللي في المجموعة».
وتابع نجم الأهلي: «صعوبة مباراة إنتر ميامي إنها في الافتتاح، ولكن سهولته إن الفريق مش أقوى حاجة كلعيبة، وميسي مش هيعمل كل حاجة لواحده، والعين كلها على ميسي، وهو أعظم لعيب كرة أنا عاصرته في حياتي».
واختتم طاهر محمد طاهر تصريحاته قائلًا: «ميسي مش هيلعب لوحده المفروض إن في 10 بيساعدوه، وبالنسبالي هما مش بنفس الكفاءه بتاعت الفرق اللي سبق اللعب معها من قبل».
